Politiet fekk melding om ein person med pistol ved Åsane senter laurdag føremiddag. Politiet fant to personar som passa til skildringane. Den eine personen hadde ein leikepistol på seg.

Ein eldre verkstad på 60-70 kvadrat er tapt i brann på Hauglandshella på Askøy. Brannvesenet fekk melding om brannen kvart på 5 i natt. Dei fekk raskt kontroll på brannen, som no er sløkt. Det var ikkje mogleg å redde bygget To små buer rett ved tok også fyr.

13 personar vart bortvist frå Stavanger sentrum i natt. 12 av dei var Brann-supportarar. Dei kasta mellom anna fyrverkeri i sentrum, ifølge Sør-Vest politidistrikt. – Dei 12 vart bortvist frå sentrum i 24 timar, melder operasjonsleiar Rune Tallaksen. Klokka 18 i dag speler Viking mot Brann, og derbyet blir vurdert som ein høgrisikokamp. Politiet har styrka bemanninga kraftig i Stavanger. Det er sett opp eigne bussar for Brann-supportarar, for å unngå for mykje krysning av supportarar.

Politiet har stansa fire sjåførar i natt, mistenkt for å køyrde i alkoholrus. Tre av tilfella var i Bergen. Det er snakk om ei kvinne i 40- åra, og ei kvinne i 30-åra. Sistnemnde hadde heller ikkje førarkort. I tillegg fekk politiet melding om ein bil med naudblink i Fløyfjellstunnelen. Det låg deler frå bilen i tunnelen. Politiet fant bilen og sjåføren i Kanalveien. Kvinna her var 19 år. Den fjerde kvinna køyrde i Sunnfjord, og køyrde av vegen mellom Førde og Moskog. Ho vart ikkje skada.

To bilar har kollidert på E39 ved Heiane på Stord, melder politiet. – Det er fire personar involverte, men ingen verkar skadde, opplyser operasjonsleiar Steinar Knudsen i Sør-Vest politidistrikt. Det skal vere ein del materielle skadar på bilane, og eit køyrefelt er blokkert. Naudetatane rykker ut.

Ein litauisk mann i 20-åra vart fredag pågripen av politiet, etter etterlysing frå litauiske myndigheiter. Mannen skal ha vore etterlyst sidan oktober 2023, då han ikkje har møtt til soning i fengsel. Han er dømt til eitt år og ti månadar i fengsel for narkotikalovbrot, skadeverk og for å ha våpen. Ifølge avgjerda frå Hordaland tingrett har mannen opphalde seg i Noreg sidan mai 2023 og budd i Bergen. Retten har konkludert med at han kan haldast varetektsfengsla i fire veker, og at han skal overleverast til Litauen.

I mars i år vart horda­lendingen i 20-åra målt til 147km/t i laser­kontroll i ei 70-sone i Tysvær. No har ting­retten dømd mannen til fengsel i 15 år. Han må også klare seg to år og ni månader utan førarkort. Mannen erkjende forholdet.

Forsvareren til mannen som er siktet etter Horvik-skytingen, ber om at hans klient løslates. – I løpet av den perioden siktede har vært varetektsfengslet, så har han vært frisk. Mitt utgangspunkt er ingen sykdom, ingen gjentagelsesfare, sier forsvarer Bertil Rønnestad og fortsetter med: – Etter vårt syn i dag foreligger det ingen gjentagelsesfare så lenge det ikke er sykdom. Politiadvokat Kathrine Engelsgjerd Eikestad har bedt om at mannen i 40-årene blir varetektsfengslet i fire nye uker. Dette begrunner hun med fare for gjentagelse og fordi hun mener en løslatelse på dette tidspunktet vil skape frykt i befolkningen.

Mannen i 40-åra som er sikta for valdtekt av si eiga kone og å ha delt video av dette, vart fengsla i fire veker med brev- og besøkskontroll i går. Mannen er også sikta for å ha overgrepsmateriale. Mannen nektar straffskuld for begge postar, men erkjenner seksuell handling utan samtykke.

Ein mann i 20-åra mista torsdag kveld førarkortet, etter at han vart målt til 120 km/t på E39 i Sveio. Det var ein patrulje frå politiet som stoppa bilen. Det er 80-sone på staden, opplyser operasjonsleiar Olaug Bjørnsen i Sør-Vest politidistrikt.