Politiet fekk fredag kveld melding om ein person som verka rusa og var på veg til å setje seg i ein bil i Førde. Politiet er på staden og har kontakt med personen.

Ein politipatrulje melde for kort tid sidan om kraftig røykutvikling frå ein buss i Bergen. – Vi er no på staden. Det er snakk om lekkasje av kjølevæske, ikkje brann. Ingen opplysninger om personskade, skriv operasjonsleiar Jan Børge Mijse i Vest politidistrikt. Bussjåføenr ordner sjølv assistanse. - Ingen politisak, vi avslutter på staden, skriv Misje.

Gulating lagmannsrett har einstemmig frifunne ein sogning i 20-åra som i Sogn og Fjordane tingrett blei dømd til 90 dagars fengsel for å ha teke eit halsgrep på ein annan mann slik at han mista medvitet. Lagmannsretten konkluderte med at handlinga var ein lovleg nødverjehandling. Mannen blei uventa angripen og takla i bakken inne i sin egen heim, og retten la til grunn at han var livredd og ikkje hadde andre realistiske måtar å forsvare seg på. Grepet blei sleppt så snart angrepet stansa. Mannen blei frifunnen for både straff og erstatning på 15.000 kr

Ein bil og ein sparkesykkel har vore involvert i eit trafikkuhell på Askøy, melder politiet. Det er ein person i bilen og ein person på sparkesykkelen. Skadeomfanget er førebels ukjent. – Det ser ut som sparkesykkelen har køyrd inn i ein bil som har bremsa opp. Sparkesyklisten er våken og bevisst, seier operasjonsleiar Ole Ronny Olsen i Vest politidistrikt. Politiet er på veg til staden.

Ein mann i 30-åra blir i dag framstilt for fengsling i Hordaland tingrett, sikta for alvorleg personforfølging og brot på besøksforbod. Den fornærma i saka er ei kvinne i 30-åra, som tidlegare har vore sambuar med mannen. Etter at det blei slutt mellom dei to rundt årsskiftet, meiner politiet at mannen har forfølgd kvinna i fleire månader. I vår blei han ilagt besøksforbod og seinare omvendt valdsalarm på grunn av brot på besøksforbodet. – Gjennom sommaren har det vore nye brot på forbodet, sjølv med omvendt valdsalarm. Det gjorde at me arresterte han i går og vil fengsle han i fire veker, seier politiadvokat Anna Seline Sygnabere. Mannen vart pågripen utanfor Bergen. Han skal i hovudsak ha tatt kontakt med kvinna på telefon og sosiale medium, men det er også snakk om nokre fysiske møter.

Vy stengte av en vogn på Bergensbanen torsdag kveld etter utbrudd av norovirus. Vognen fungerer som isolat for en smittet gruppe som gikk på togsettet på Finse, skriver Bergensavisen. Ingen andre passasjerer slapp inn, og Vy har bestilt spesialrenhold av vognen ved ankomst i Bergen.

Politiet rykket ut til utestedet Heidi's i Bergen klokken 02:46 fredag etter melding om en uønsket gjest. Mannen i 20-årene skal ha oppført seg ufint og slått en annen gjest med et ølglass. Politiet bortviste mannen fra stedet. Det er mulig vekterne anmelder forholdet i ettertid.

Ein mann i 40-åra kontakta torsdag ettermiddag AMK og opplyste at han var blitt knivstukken i ei leilegheit i Florvåg på Askøy. Politiet rykte ut til adressa saman med ambulanse. Etter kort tid fekk politiet kontroll på to involverte. Begge var vakne og oppegåande, men hadde mindre kuttskadar og var noko blodige. - Det er førebels svært uklart kva som har skjedd, og me gjer no undersøkingar, opplyser politiet. Ein av dei involverte er teken med ambulanse til legevakta, medan den andre blir køyrd til Haukeland universitetssjukehus. Politiet opplyser at ein tredje person skal ha vore på adressa før og/eller under hendinga, og forsøker no å få kontakt med vedkomande. Det er ikkje kome opplysningar om at personen er skadd eller kva rolle han har hatt. Alle dei involverte er kjende av politiet frå tidlegare.

Ein bil med to personar har køyrt inn i ein murvegg i samband med parkering på Lofthusvegen i Ullensvang. Brannmannskap og politi er på staden. - Airbag er utløyst, og ein av dei involverte skal ha smerter i magen etter bilbeltet. Det er førebels ikkje meldt om alvorlege personskadar, opplyser politiet. Ifølgje politiet skal det innleiingsvis ha blitt opplyst at det blei trykt feil på gass og brems. Bilbergar er rekvirert. .