Ein person skal ha blitt truga av to personar i Bergen sentrum, der det har blitt vist fram kniv. Andre personar i nærleiken skal også ha blitt truga. Hendinga skjedde kl. 20.12 og politiet trur at det kan dreie seg om eit forsøk på ran. Gjerningspersonane skal ikkje ha fått med seg noko og forsvann frå staden på elsparkesykkel etter kort tid. Politiet har så langt ikkje sett noko til dei to mistenkte. Ingen personar har blitt skadde i samband med hendinga.

Politiet fekk klokka 19.50 melding om ein gut på Åsane Terminal som skal ha fått retta ein pistolliknande gjenstand mot seg. Operasjonsleiar Frode Kolltveit skriv at guten sprang frå staden og at han ikkje er skadd. Politiet rykte ut med fleire patruljar og fekk etter kort tid kontroll på ein rusa mann i 60-åra som passar med skildringa. Det er ikkje gjort funn av den omtalte gjenstanden på han. Politiet utfører fleire undersøkingar på staden, ingen vart skadde i hendinga.

Politiet har fått melding om røyk frå bil på utsida av Fløyfjellstunnelen i Bergen, nordgåande løp. Tunnelen var stengt ein kort periode nordover mot Åsane, men er no open igjen. Det er berre røyk, ikkje flammar, opplyser politiet. Det skal vere røyk frå ei eksospotte, ikkje melding om personskadar.

Nominasjonsmøtet i Bergen MDG har laurdag einstemmig vedteke valliste for lokalvalet neste år. Katrine Nødtvedt (36) toppar lista, med Christine Henriksen Ødegaard (53) på andreplass, og Emil Perron (36) på tredjeplass. Katrine Nødtvedt er utdanna psykolog, med ein PhD i forbrukarpsykologi, og er i dag bystyrerepresentant for MDG.

Politiet melder om ei trafikkulykke i Fardalsvegen i Øvre Årdal, ein bil har køyrd utfor vegen. Politiet fekk melding om ulykka klokka 15.34. Ulykka skjedde i ein karp sving overfor Øvre Årdal. Føraren, ei utanlandsk kvinne i 20-åra, er ute av bilen og skal ha vore aleine. Ingen opplysningar om personskade. Politiet melde først at det var store materielle skadar på bilen, dette vart etter kvart nedjustert.

Ferjesambandet Oldeide-Måløy i Nordfjord er innstilt ut dagen. Årsaka er dårleg vér, opplyser Statens vegvesen. Ombygging av ferjekaia i Måløy gjer at det no er lågare terskel enn vanleg for å innstilla grunna véret.

Liafjellstunnelen på E39 i Bjørnafjorden kommune blei stengd laurdag ettermiddag. Årsaka er gjenstandar i vegbana, opplyser Statens vegvesen. Det er mogleg med omkøyring om Os sentrum.

Folk i Måløy må torsdag 17. september førebu seg på å sjå mykje militært personell, væpna politi og utrykkingskøyretøy, melder Kinn kommune. Det skal vera ei beredskapsøving i samband med heimevernstreninga som pågår i Nordfjord mellom 12. og 20. september. Folk blir bedne om å visa omsyn, og ikkje oppsøka øvingsområda.

Bergen kommune har ikkje lukkast med å bemanne veterinærvakta for smådyr den komande veka. Frå søndag 13. september klokka 08.00 til fredag 18. september klokka 08.00 vil det derfor ikkje vere ei kommunalt organisert veterinærvakt utanfor klinikkane sine ordinære opningstider opplysar kommunen. Kommunen rår dyreeigarar til å søkje hjelp så tidleg som mogleg dersom dyret treng behandling, og til å oppsøkje veterinær innanfor ordinær opningstid når det er mogleg. Kommunen understrekar at dyreeigarane sjølve må undersøkje kva akuttilbod som er tilgjengelege dersom det oppstår behov for veterinærhjelp utanom ordinær opningstid.

Daglig leder Mathias Fisher i Initiativ Vest er bekymret over at Vestlandet blir dårligere representert i den nye Støre-regjeringen. Klima- og miljøminister, Andreas Bjelland Eriksen (Ap) fra Rogaland, går i dag ut av regjering. – De som kommer inn er fra Oslo, Oslo og Drammen. Det er mer Oslo-dominans i regjeringen nå. De mister perspektiver fra hele landet, sier Fisher. Det er trolig samferdselspolitikken som vil lide mest. Allerede er mange veiprosjekt som er viktige på Vestlandet, blitt prioritert bort. Han knytter det til at den tidligere samferdselsministeren er fra Østfold. – Nå får vi den tydeligste Oslo-politikeren på Stortinget, Kamzy Gunaratnamhar sagt at hennes viktigste prioriteringer er kollektiv i byene og jernbane på Østlandet. Det blir spennende når hun legger frem den nasjonale transportplanen, sier han. – Hva tror du er grunnen til at vestlendingene ikke nådde opp når det skulle pekes ut nye statsråder? – Arbeiderpartiet står svakt på Vestlandet. Partiet har slitt mer rekrutteringen og bygge opp profiler og talenter, som kan være gode statsråd emner.